#區域法院第廿一庭
#李慶年法官
#0825深水埗 #審訊 [7/15]
A1 葉(17)/ A2 林(36)/ A3:林(28)
A4 林(25)/ A5 韓(23)/ A6 吳(20)
A7 黃(21)/ A8 唐(23)/ A9 龔(23)
A10 盧(19)
🛑D6 早前承認第二項控罪，現正還押中。
控罪及案情：
1.非法集結（A1)
A1被控於2019年8月25日在九龍深水埗福華街近欽州街一帶參與非法集結。
2.非法集結（所有被告）
A1-A10 同被控於同日在深水埗警署和長沙灣道交界附近的欽州街一帶參與非法集結。
=====================
⏺傳召PW7 警長3236 張志龍(音)
負責截停及拘捕A5
案發時駐守機動部隊，防暴裝當值
🔹 控方代表 #韋浩棠大律師 主問
PW7當晚在太子警察遊樂會候命，收到訓示稍後要去欽州街行動。2150時PW7所屬小隊的梁姓督察指示，有為數一百人堵路及非法集結，稍後要去拘捕及驅散，而較早時候警方已作口頭警告，現場人士仍然聚集。
2205時，大隊到達欽州街與長沙灣道交界，自己在福華街近麥當勞位置 (對面為政府合署一邊)。PW7落車後跑上前，距離30米左右見到有約20人堵路，在政府合署位置。上述人士看到警員後四散，PW7留意到其中有一人身穿白色短袖tee、深色短褲，戴cap帽、口罩，由欽州街跑向長沙灣道往太子方向。PW7緊隨其後作追截，期間落大雨，疑人跌低，PW7上前將其控制。控制後PW7才發現該名人士為女子(後知A5)。2209時，他以「非法集結」罪名向其宣布拘捕。A5因為跌低，所以手腳有損傷，PW7於2210時帶她去搵女警21068包紮及看管。2213時，PW7將A5交由女偵緝警員6630看守，2230時由6630將她押送去紅磡警署，PW7有同行。
PW7向A5宣布拘捕的位置是長沙灣道近欽州街「啱啱轉出嚟個路口」。PW7見到約20人堵路時是夜晚，但有街燈，而且周圍冇車影響觀察，「一眼望到」。A5著白衫好顯眼，所以PW7好快望到目標而進行追截。當時A5位置在欽州街未出長沙灣道，向警員迎面跑、轉向右方出太子。第一眼見到A5時，PW7與她相距約30米，冇為意A5與其他堵路人士的距離，但他們在A5「左右」。
📌P290相簿1
相54（A5正面相 ）：PW7確認相片如實反映A5現場衣著
相58：PW7確認A5現場cap帽戴法、戴黑色口罩，口罩遮蓋其鼻和嘴
🔸 A4A5代表 #林凱依大律師 盤問
PW7確認，在記事冊記錄了2205時與隊員到達元州街與欽州街交界，一落車就跑向長沙灣道方向。與PW7一起到元州街、欽州街交界的隊員約有30-40名；一落車，福華街與欽州街口、福榮街有其他警員。PW7唔同意當時是「快速推進」，因為落車後「free flow」，警員是「快速拘捕」，所以自己跑得快過其他人。PW7唔同意沒有發出口頭警告，有嗌但冇用大聲公。2205時落車，PW7望到長沙灣道與欽州街交界因堵路而交通停頓，「冇為意」路上有冇車或巴士停低，「唔肯定」附近有市民圍觀或在行人路上。沿欽州街跑時，PW7冇留意附近有冇人。見到20人堵路時，PW7是邊跑邊觀察。他在記事冊寫住紅雨。20人分散走之前在欽州街近長沙灣道路口堵路，四散往不同方向。
根據記事冊形容，目標人物穿白色tee、深色褲，戴帽及口罩，PW7初時並未發現帽及口罩的顏色，亦冇留意長頭髮，冇為意頭髮冇紮起，截停才見到是女性 。PW7承認只見A5戴帽而冇為意其長頭髮，但強調自己「一路緊盯住呢件白色衫」。PW7落車後見到有人堵路，當時A5企交界的路中心，為堵路一分子。林大律師指出辯方案情：A5當時身處位置是政府合署外的行人過路處。
PW7供稱，自己落車時現場唔係好混亂，同意堵路人士四散時情況混亂。PW7不同意，堵路人士四散時現場混亂故此未能清楚見到從人群中散出來的「該名人士(PW7指稱為A5)」，同意補錄記事冊冇形容「該名人士」係女子、長髮、上衣有公仔、帽係黑色、口罩係黑色，唔知該名人士逗留現場幾耐。
就A5被截停位置，PW7表示A5當時在馬路上而唔近行人路，據證人供詞中已標記的草圖則同意A5是在馬路上近行人路的位置，亦與行人過路處相近。
📌P290相簿1
相58：PW7確認相片反映A5被截停時衣著，其cap帽鴨舌向前，黑色口罩是如此戴法
由截停A5至偕6630將其押上警車，PW7冇掂過A5的帽和口罩，冇為意有冇其他警員掂過帽，其他警冇除過口罩。林大律師指出，A5並不是在現場被PW7拘捕，而是在警車上由6630宣布拘捕，對此PW7表示唔同意。
🎥播放TVB片段
(播放器時間33:40-33:35，實時約為2215)
顯示A5被警員押上警車過程
PW7在畫面中指認出A5，見唔到自己，稱可能影唔到但自己係在場
李官指出畫面清楚可見A5頸部有一大片黑色，辯方說法是陰影，控方則認為是拉下了的黑色口罩。就李官指A5背面的黑色線，林大律師指那是A5斜孭袋的繩。
🎥播放蘋果日報片段
(播放器時間00:20-00:42，實時約為2215)
顯示A5被警員押上警車過程
PW7在畫面指認出A5，見唔到自己
林大律師指出，A5由被截停到被帶上警車都冇戴黑色口罩，PW7唔同意。
林大律師指出以下事項（後為PW7回應）：
-2205時長沙灣道政府合署外有大批群眾；同意
-群眾包含市民和示威者；唔同意
-當時有市民在政府合署外行走；唔同意
-警員衝前時有揮棍；唔同意（PW7補充，冇可能一路跑一路揮棍，否則會跑得好慢，自己只有擺手的跑步動作，棍一直插在套裡冇攞過出嚟，冇為意其他警員。）
-政府合署外擠擁；冇為意
-A5唔係堵路20人中分散出來；唔同意
被問及A5是否被警員用棍打親，PW7表示看到她時是自己仆親；此外，A5唔係行而係跑，所以先會跌親。
🔹控方覆問
PW7表示，最初從20名堵路人士當中見到的白衫人「一定係我拉嗰個」。他確認記事冊冇描述第一眼見A5戴的帽是黑色，「可能我記錄得唔詳盡，有機會我下次記錄返」 ，亦沒有描述其口罩為黑色，「可能當時太急，自己都大意」而遺漏有關細節。PW7重申，被截停後的A5有戴口罩，PW7本人冇除過，其他警員都冇除過，而自己冇全程留意A5有冇除黑色口罩。
PW7作供完畢
⏺修訂承認事實（有關A5）
-她被警長3236截停及鎖上膠手扣
-她有一個黑色口罩懸在、並覆蓋頸部至下巴位置
今天下午沒有審訊，明天不開庭
📌案件管理
暫定裁決日延後一天至2022年1月25日1000
案件押後至本周四(12月16日) 1000續審，期間各人續以現有條件保釋
#李慶年法官
#0825深水埗 #審訊 [7/15]
A1 葉(17)/ A2 林(36)/ A3:林(28)
A4 林(25)/ A5 韓(23)/ A6 吳(20)
A7 黃(21)/ A8 唐(23)/ A9 龔(23)
A10 盧(19)
🛑D6 早前承認第二項控罪，現正還押中。
控罪及案情：
1.非法集結（A1)
A1被控於2019年8月25日在九龍深水埗福華街近欽州街一帶參與非法集結。
2.非法集結（所有被告）
A1-A10 同被控於同日在深水埗警署和長沙灣道交界附近的欽州街一帶參與非法集結。
=====================
⏺傳召PW7 警長3236 張志龍(音)
負責截停及拘捕A5
案發時駐守機動部隊，防暴裝當值
🔹 控方代表 #韋浩棠大律師 主問
PW7當晚在太子警察遊樂會候命，收到訓示稍後要去欽州街行動。2150時PW7所屬小隊的梁姓督察指示，有為數一百人堵路及非法集結，稍後要去拘捕及驅散，而較早時候警方已作口頭警告，現場人士仍然聚集。
2205時，大隊到達欽州街與長沙灣道交界，自己在福華街近麥當勞位置 (對面為政府合署一邊)。PW7落車後跑上前，距離30米左右見到有約20人堵路，在政府合署位置。上述人士看到警員後四散，PW7留意到其中有一人身穿白色短袖tee、深色短褲，戴cap帽、口罩，由欽州街跑向長沙灣道往太子方向。PW7緊隨其後作追截，期間落大雨，疑人跌低，PW7上前將其控制。控制後PW7才發現該名人士為女子(後知A5)。2209時，他以「非法集結」罪名向其宣布拘捕。A5因為跌低，所以手腳有損傷，PW7於2210時帶她去搵女警21068包紮及看管。2213時，PW7將A5交由女偵緝警員6630看守，2230時由6630將她押送去紅磡警署，PW7有同行。
PW7向A5宣布拘捕的位置是長沙灣道近欽州街「啱啱轉出嚟個路口」。PW7見到約20人堵路時是夜晚，但有街燈，而且周圍冇車影響觀察，「一眼望到」。A5著白衫好顯眼，所以PW7好快望到目標而進行追截。當時A5位置在欽州街未出長沙灣道，向警員迎面跑、轉向右方出太子。第一眼見到A5時，PW7與她相距約30米，冇為意A5與其他堵路人士的距離，但他們在A5「左右」。
📌P290相簿1
相54（A5正面相 ）：PW7確認相片如實反映A5現場衣著
相58：PW7確認A5現場cap帽戴法、戴黑色口罩，口罩遮蓋其鼻和嘴
🔸 A4A5代表 #林凱依大律師 盤問
PW7確認，在記事冊記錄了2205時與隊員到達元州街與欽州街交界，一落車就跑向長沙灣道方向。與PW7一起到元州街、欽州街交界的隊員約有30-40名；一落車，福華街與欽州街口、福榮街有其他警員。PW7唔同意當時是「快速推進」，因為落車後「free flow」，警員是「快速拘捕」，所以自己跑得快過其他人。PW7唔同意沒有發出口頭警告，有嗌但冇用大聲公。2205時落車，PW7望到長沙灣道與欽州街交界因堵路而交通停頓，「冇為意」路上有冇車或巴士停低，「唔肯定」附近有市民圍觀或在行人路上。沿欽州街跑時，PW7冇留意附近有冇人。見到20人堵路時，PW7是邊跑邊觀察。他在記事冊寫住紅雨。20人分散走之前在欽州街近長沙灣道路口堵路，四散往不同方向。
根據記事冊形容，目標人物穿白色tee、深色褲，戴帽及口罩，PW7初時並未發現帽及口罩的顏色，亦冇留意長頭髮，冇為意頭髮冇紮起，截停才見到是女性 。PW7承認只見A5戴帽而冇為意其長頭髮，但強調自己「一路緊盯住呢件白色衫」。PW7落車後見到有人堵路，當時A5企交界的路中心，為堵路一分子。林大律師指出辯方案情：A5當時身處位置是政府合署外的行人過路處。
PW7供稱，自己落車時現場唔係好混亂，同意堵路人士四散時情況混亂。PW7不同意，堵路人士四散時現場混亂故此未能清楚見到從人群中散出來的「該名人士(PW7指稱為A5)」，同意補錄記事冊冇形容「該名人士」係女子、長髮、上衣有公仔、帽係黑色、口罩係黑色，唔知該名人士逗留現場幾耐。
就A5被截停位置，PW7表示A5當時在馬路上而唔近行人路，據證人供詞中已標記的草圖則同意A5是在馬路上近行人路的位置，亦與行人過路處相近。
📌P290相簿1
相58：PW7確認相片反映A5被截停時衣著，其cap帽鴨舌向前，黑色口罩是如此戴法
由截停A5至偕6630將其押上警車，PW7冇掂過A5的帽和口罩，冇為意有冇其他警員掂過帽，其他警冇除過口罩。林大律師指出，A5並不是在現場被PW7拘捕，而是在警車上由6630宣布拘捕，對此PW7表示唔同意。
🎥播放TVB片段
(播放器時間33:40-33:35，實時約為2215)
顯示A5被警員押上警車過程
PW7在畫面中指認出A5，見唔到自己，稱可能影唔到但自己係在場
李官指出畫面清楚可見A5頸部有一大片黑色，辯方說法是陰影，控方則認為是拉下了的黑色口罩。就李官指A5背面的黑色線，林大律師指那是A5斜孭袋的繩。
🎥播放蘋果日報片段
(播放器時間00:20-00:42，實時約為2215)
顯示A5被警員押上警車過程
PW7在畫面指認出A5，見唔到自己
林大律師指出，A5由被截停到被帶上警車都冇戴黑色口罩，PW7唔同意。
林大律師指出以下事項（後為PW7回應）：
-2205時長沙灣道政府合署外有大批群眾；同意
-群眾包含市民和示威者；唔同意
-當時有市民在政府合署外行走；唔同意
-警員衝前時有揮棍；唔同意（PW7補充，冇可能一路跑一路揮棍，否則會跑得好慢，自己只有擺手的跑步動作，棍一直插在套裡冇攞過出嚟，冇為意其他警員。）
-政府合署外擠擁；冇為意
-A5唔係堵路20人中分散出來；唔同意
被問及A5是否被警員用棍打親，PW7表示看到她時是自己仆親；此外，A5唔係行而係跑，所以先會跌親。
🔹控方覆問
PW7表示，最初從20名堵路人士當中見到的白衫人「一定係我拉嗰個」。他確認記事冊冇描述第一眼見A5戴的帽是黑色，「可能我記錄得唔詳盡，有機會我下次記錄返」 ，亦沒有描述其口罩為黑色，「可能當時太急，自己都大意」而遺漏有關細節。PW7重申，被截停後的A5有戴口罩，PW7本人冇除過，其他警員都冇除過，而自己冇全程留意A5有冇除黑色口罩。
PW7作供完畢
⏺修訂承認事實（有關A5）
-她被警長3236截停及鎖上膠手扣
-她有一個黑色口罩懸在、並覆蓋頸部至下巴位置
今天下午沒有審訊，明天不開庭
📌案件管理
暫定裁決日延後一天至2022年1月25日1000
案件押後至本周四(12月16日) 1000續審，期間各人續以現有條件保釋