#區域法院第二十庭
#高偉雄區域法院暫委法官
#星火同盟 #續審 [7/4]
下午進度
👤余(19)
控罪：
處理已知道或相信為代表從可公訴罪行的得益的財產
案情：
指被告在 2019年6月3日 至 12月28日期間，在香港上海滙豐銀行的帳戶特有港幣 63萬元，處理全部或部分款項，由他轉交「星火同盟」的求助人，警方在2019 年12月以涉嫌「洗黑錢」罪為由，拘捕與星火同盟相關的 3 男 1 女，包括被告。
控方代表：高級檢控官 岑穎欣，檢控官 李竹筠
辯方代表：#藍凱欣大律師
============
[14:30] 開庭
🔸辯方覆問大綱：
作以下各方面澄清：
- 控方列表中指辯方試算表和銀行入數紙的日期不附
- 被告根據入數紙而假做試算表
- 為何賬目不清
- 為何沒有單據
- 被告理解何謂洗黑錢
📍辯方試算表和銀行入數紙的日期不附
在2022年或之前收到控方畀嘅入數紙副本，做出庭前準備，對返銀行紀錄，做出辯方證物D5；入數紙被檢取後到上庭之前，無睇過正本，庭上有睇過兩份正本，無睇過其他入數紙。
睇MFI 4b 第226筆數，對應D5 excel E28，日期係10月11日，金額$3000，對應入數紙 J222/174，日期不對；被告解釋因為副本中嘅日期好矇，只對到銀行戶口號碼和金額，直至睇到正本才睇到日期係11月4日，10月11日嘅數係被告處理，12月4日就唔係，記憶中12月5日要處理大量入數，前一日無做過，可能由其他人做。
律師繼續講一輪入數紙編號、日期、金額…等數字，被告表示唔明白（直播員更加跟唔到），法官話正常呀，你都無文件在手，隨即由書記轉交，律師嘅目的係證明控方指的日期不附，係對錯入數紙。
律師再帶出例子，讓被告解釋入數紙的日期與D5 excel 表的日期不附的另一原因，係一項求助分兩次入數，如一萬元分兩次入五千，有兩張入數紙，excel 的日期係第一張入數紙，入咗第二張後無更新日期。
📍賬目不清
有一筆數的戶口編號和入數紙的不同，被告稱有可能係事後更改戶口。
至於戶口編號出現怪符號“529887E11”，被告解釋係speed sheet的問題，數字太長變成咁。
個案中有由父母或朋友代收款項，通常係求助人年幼無銀行戶口，係無核實代收人身份，但只係極少嘅啲情況，記憶中只有五個左右，有在備註或銀行戶口隔離寫低。當時無諗過代收人會唔畀返錢給求助人，2019年時TG group有代收人嘅全名，有銀行戶口可以追查，事實亦無人投訴收唔到錢。
被告同意Alice Wong同樣可以用自己戶口轉錢畀求助人，但佢當時要聯絡法律支援，探還押人，同阿富跟進被捕求助，無時間處理金錢求助，所以揾被告幫手。
📍為何沒有單據
控方指多次提取款項，多於入數紀錄，應有$20,130在zipper bag內(被告用嚟放星火的錢)，但拘捕時只有六千幾，欠$13,530；被告解釋應用咗嚟買物資，但無單據；唐記和KFC每次都會買二千，仲有鴻福堂和麥當勞，唐記最少買過三次，KFC買過兩次，其他買書和日常用品，估計少咗約五張單。
📍何謂洗黑錢
被質疑獲釋後仲唔執返好啲單，係因為當時拉「洗黑錢」，被告理解洗黑錢係將犯罪嘅得益，透過一啲方法變成合法得益，有講與戶口有關，同戶口使用方式不相稱，同星火有關，獲釋後知道不單止拉咗被告，仲有其他四人，當時理解警方調查星火戶口，戶口被凍結，無諗過將來會被質疑戶口嘅資金來源唔係星火，反而要證明錢係來自星火，無諗過要揾返五張單，因為當時律師話唔會有審訊，無諗過會被質疑記帳上有瑕疵，被質疑唔係幫星火，被質疑唔係幫被捕家屬，被捕時無指控被告係中飽私囊。
在被指控嘅兩個半月期間，Alice Wong 無質疑被告做嘅紀錄有問題，無話要查數，有可能係因為太多求助，太多其他事情而無做，Alice Wong 從來無講過要賠錢。
📍被告根據入數紙而假做試算表
Excel 表在2022年中攞到，之前收齊控方文件，控方指用入數紙嚟做excel，係無可能做到，入數紙無英文全名，只有***代替，無中文名，無身份證號碼；入數紙分唔到被捕/非被捕，只有戶口、金額、和日期，有啲非常唔清晰，有啲對到係靠夾人名、戶口、金額和日期，入數紙J206/157就係一個例子，矇咗大部份，只係睇到少少戶口。
律師要求控方呈上正本給法官睇，高官話：「我諗你哋眼力好啲」。
律師指MFI 3 嘅解說表，第一項入數紙可見部份：日期、戶口、名、金額，同excel 對，如果只睇副本，無可能寫到資料，有幾十張入數紙都係矇。
📍質疑提取十二萬
控方指過數畀求助人，可以直接由銀行過數，可以入現金，點解要一次過攞十二萬現金；被告同意無需要一定咁做，指MFI 4b 由第267項至299項（即提取12萬前一項），除咗原因係第284項係轉賬，其它全部係提取現金，整個11月份都係以現金入畀求助人，因為除咗匯豐和恒生，其他銀行唔可以轉賬，11月份開始多數係其他銀行，當Alice通知過咗錢，去ATM查數，先知有12萬，又知到ATM每日唔可以攞多過兩萬，唔想分6日攞，所以去櫃台一次過攞12萬。
[16:30] 律師表示還要覆問多半小時；高官表示亦需要時間了解被告的證供，睇吓有無需要被告解釋之處。
案件押後至下星期一(25/9) 09:30，同庭續審，並預留星期二。
#高偉雄區域法院暫委法官
#星火同盟 #續審 [7/4]
下午進度
👤余(19)
控罪：
處理已知道或相信為代表從可公訴罪行的得益的財產
案情：
指被告在 2019年6月3日 至 12月28日期間，在香港上海滙豐銀行的帳戶特有港幣 63萬元，處理全部或部分款項，由他轉交「星火同盟」的求助人，警方在2019 年12月以涉嫌「洗黑錢」罪為由，拘捕與星火同盟相關的 3 男 1 女，包括被告。
控方代表：高級檢控官 岑穎欣，檢控官 李竹筠
辯方代表：#藍凱欣大律師
============
[14:30] 開庭
🔸辯方覆問大綱：
作以下各方面澄清：
- 控方列表中指辯方試算表和銀行入數紙的日期不附
- 被告根據入數紙而假做試算表
- 為何賬目不清
- 為何沒有單據
- 被告理解何謂洗黑錢
📍辯方試算表和銀行入數紙的日期不附
在2022年或之前收到控方畀嘅入數紙副本，做出庭前準備，對返銀行紀錄，做出辯方證物D5；入數紙被檢取後到上庭之前，無睇過正本，庭上有睇過兩份正本，無睇過其他入數紙。
睇MFI 4b 第226筆數，對應D5 excel E28，日期係10月11日，金額$3000，對應入數紙 J222/174，日期不對；被告解釋因為副本中嘅日期好矇，只對到銀行戶口號碼和金額，直至睇到正本才睇到日期係11月4日，10月11日嘅數係被告處理，12月4日就唔係，記憶中12月5日要處理大量入數，前一日無做過，可能由其他人做。
律師繼續講一輪入數紙編號、日期、金額…等數字，被告表示唔明白（直播員更加跟唔到），法官話正常呀，你都無文件在手，隨即由書記轉交，律師嘅目的係證明控方指的日期不附，係對錯入數紙。
律師再帶出例子，讓被告解釋入數紙的日期與D5 excel 表的日期不附的另一原因，係一項求助分兩次入數，如一萬元分兩次入五千，有兩張入數紙，excel 的日期係第一張入數紙，入咗第二張後無更新日期。
📍賬目不清
有一筆數的戶口編號和入數紙的不同，被告稱有可能係事後更改戶口。
至於戶口編號出現怪符號“529887E11”，被告解釋係speed sheet的問題，數字太長變成咁。
個案中有由父母或朋友代收款項，通常係求助人年幼無銀行戶口，係無核實代收人身份，但只係極少嘅啲情況，記憶中只有五個左右，有在備註或銀行戶口隔離寫低。當時無諗過代收人會唔畀返錢給求助人，2019年時TG group有代收人嘅全名，有銀行戶口可以追查，事實亦無人投訴收唔到錢。
被告同意Alice Wong同樣可以用自己戶口轉錢畀求助人，但佢當時要聯絡法律支援，探還押人，同阿富跟進被捕求助，無時間處理金錢求助，所以揾被告幫手。
📍為何沒有單據
控方指多次提取款項，多於入數紀錄，應有$20,130在zipper bag內(被告用嚟放星火的錢)，但拘捕時只有六千幾，欠$13,530；被告解釋應用咗嚟買物資，但無單據；唐記和KFC每次都會買二千，仲有鴻福堂和麥當勞，唐記最少買過三次，KFC買過兩次，其他買書和日常用品，估計少咗約五張單。
📍何謂洗黑錢
被質疑獲釋後仲唔執返好啲單，係因為當時拉「洗黑錢」，被告理解洗黑錢係將犯罪嘅得益，透過一啲方法變成合法得益，有講與戶口有關，同戶口使用方式不相稱，同星火有關，獲釋後知道不單止拉咗被告，仲有其他四人，當時理解警方調查星火戶口，戶口被凍結，無諗過將來會被質疑戶口嘅資金來源唔係星火，反而要證明錢係來自星火，無諗過要揾返五張單，因為當時律師話唔會有審訊，無諗過會被質疑記帳上有瑕疵，被質疑唔係幫星火，被質疑唔係幫被捕家屬，被捕時無指控被告係中飽私囊。
在被指控嘅兩個半月期間，Alice Wong 無質疑被告做嘅紀錄有問題，無話要查數，有可能係因為太多求助，太多其他事情而無做，Alice Wong 從來無講過要賠錢。
📍被告根據入數紙而假做試算表
Excel 表在2022年中攞到，之前收齊控方文件，控方指用入數紙嚟做excel，係無可能做到，入數紙無英文全名，只有***代替，無中文名，無身份證號碼；入數紙分唔到被捕/非被捕，只有戶口、金額、和日期，有啲非常唔清晰，有啲對到係靠夾人名、戶口、金額和日期，入數紙J206/157就係一個例子，矇咗大部份，只係睇到少少戶口。
律師要求控方呈上正本給法官睇，高官話：「我諗你哋眼力好啲」。
律師指MFI 3 嘅解說表，第一項入數紙可見部份：日期、戶口、名、金額，同excel 對，如果只睇副本，無可能寫到資料，有幾十張入數紙都係矇。
📍質疑提取十二萬
控方指過數畀求助人，可以直接由銀行過數，可以入現金，點解要一次過攞十二萬現金；被告同意無需要一定咁做，指MFI 4b 由第267項至299項（即提取12萬前一項），除咗原因係第284項係轉賬，其它全部係提取現金，整個11月份都係以現金入畀求助人，因為除咗匯豐和恒生，其他銀行唔可以轉賬，11月份開始多數係其他銀行，當Alice通知過咗錢，去ATM查數，先知有12萬，又知到ATM每日唔可以攞多過兩萬，唔想分6日攞，所以去櫃台一次過攞12萬。
[16:30] 律師表示還要覆問多半小時；高官表示亦需要時間了解被告的證供，睇吓有無需要被告解釋之處。
案件押後至下星期一(25/9) 09:30，同庭續審，並預留星期二。