法庭文字直播台

#西九龍法院大樓第九庭 ( 區域法院 )
#鄭紀航區域法院暫委法官
#1030屯門 #審訊 [6/30]

D3:吳(20)/ D6:陳(24)/ D11:*(15)
以上係案發年齡
其他被告已認罪被還押 https://teleg.eu/youarenotalonehk_live/24745

控罪：
(1) 非法集結（所有被告）
(6) D3 管有物品意圖損壞財產，一支噴漆
(7) D3，(11) D6，(16) D11 使用蒙面物品

詳情：
(1) 同被控於2019年10月30日，在屯門良運街近震寰路80號大興警察行動基地，連同涉另案人士及其他身份不詳的人士參與憑藉公安條例第18(1)條屬非法集結的集結。
(2~19) 被控於同日在非法集結期間使用蒙面物品，或管有攻擊性武器。

控方代表：#韋浩棠大律師 #曾思衡大律師

D3代表：#熊雪如大律師
D6代表：#許淑儀大律師
D11代表：#郭憬憲大律師

==========
🔹D3繼續接受控方盤問（Sorry 早段內容從缺🙏🏾🙇🏾）

被告同意有好多途徑可以去溝通，但自己就作出此選擇。被告唔知良德街曾受不明氣體影響。指關注自己受濕疹影響，所以喺30號當天去良德街有帶備豬咀，覺得「帶定無死」。

控方原想問關於被告散步路線問題，經鄭官提問後，被告更正指自己剛才聽唔清楚問題，以為控方問題未完，現更正指散步路線是隨意。鄭官提醒需聽清問題再答，因不是每次也有機會作出到修正。

被告同意當天衣物包括冰袖都是黑色，指因為驚執紙皮會整污糟，因為都會執罐頭，汽水罐等都是濕，驚彈到整污糟。同意可以返屋企洗，但正常人怕污糟，所以都會穿深色。

2018年已開始幫婆婆執紙皮。被告指跑步都會有其他衣物，而當天執紙皮前無跑步，不過跑步有時都會穿全黑。穿白波鞋因為只得一對波鞋，其他是平底鞋，而這對因為比較平。

被告指未到疫情期間，市面上所見的海棉口罩亦主要是黑色。有見有外科口罩，但選海棉口罩想遮暗瘡。鄭官問是否遮埋面部？被告指暗瘡於兩邊面頰位置。

針對冰袖… 控方呈上顯示被告當時所帶有冰袖之相片，被告指該位置及手肘位置都有濕疹，唔同意冰袖遮住會唔透氣。

控方指出被告全身衣物包括上衣褲鴨舌帽手袖等是黑色，是故意與示威者相似，是想表達與示威者一致性。被告指即使身穿該些衣服，但唔同意參與非法集結。

關於被告攜帶的物品：
控方指被告的黑色nike背囊內有泳鏡，被告口供指因背囊是帶游水物品。被告同意控方指一定包括泳衣，毛巾，拖鞋等，但唔同意需包括洗頭水護髮素。被告同意泳衣毛巾等不在背囊，只有泳鏡及有帽衞衣。鄭官問為何只提及衞衣，因背囊內亦有其他野。被告指游完水會凍，是指沖完涼離開屯門泳池去搭車果時。控方向被告指出不是宣稱的無執袋，是故意帶到現場，被告不同意。控方指目的是用以抵擋警方拘散時施放的催淚氣體。被告唔同意，指泳衣毛巾拖鞋因需回家清洗，所以先唔喺袋入面；而泳鏡唔需清洗，入泳池前都有淋身區間，亦有洗手盆，簡單物品好似泳鏡唔洗特登拎去洗；拖鞋會擦落地下有塵。控方指出不是真話，是故意帶到現場。被告不同意，指這是真話。

關於生理鹽水：
控方指被告證供有提婆婆試過倒垃圾整傷手，因喺紅橋一帶無公廁無得洗手，所以每個月會帶畀婆婆。鄭官指被告之前不是此說法，被告指是指果度無廁所無水洗手，但生理鹽水是畀婆婆如果有傷口就洗傷口。

關於防毒面具：
控方指被告口供指建生邨一帶空氣污糟。被告指因為果度係首次接獲氣體發現嘅地方。控方指所以被告根本一開始唔應該到果度。被告唔同意，因覺得有一啲物品保障就無問題。鄭官問口罩無濾芯，都可以保護？被告指自己有加紙巾，將佢對摺左幾層，喺自己認知中覺得保護到。

關於噴漆：
被告口供指打算拎去掉，因見喺行人隧道打橫瞓底，驚kick到人。被告同意噴漆是新淨，搖過知道入面仲有噴漆，但自己決定掉左佢。覺得是畀人掉多過比人漏低。控方指想避免畀人kick，可將其打直就可。被告同意有其他方法處理，但自己有公德心所以打算掉。控方問回家途中有冇見到有垃圾會掉左？被告指途中掛住睇電話所以無留意。鄭官指主控不是想問該噴漆點解無掉，是問有否見有其他垃圾幫手掉。(sorry聽唔清被告答案🙏🏾🙇🏾）

被告指因中途聽電話所以除了手套連噴漆都放了在背囊。之後拎返手套時，有望背囊，見手套在面，而望唔到亦摸唔到噴漆。被告原指猜測，鄭官對辯方代表指如被告只是猜測就不需要回答，其後被告指改用可能，指可能行緊時，背囊入面嘅野碌左落背囊底。控方指出被告不是講真話。被告唔同意。控方指出被告是保管噴漆意圖喺無合法辯解下自用或准許其他人用以摧毀或損壞其他人財產。被告唔同意。

控方指被告口供指有濕疹所以帶手套，指被告帶上手套出汗會焗住。被告唔同意。因為（聽唔清楚被告答案🙏🏾）被告指心理作用覺得空氣污糟，所以令皮膚痕癢，而當時無此諗法。鄭官要求查看手套及冰袖。鄭官形容冰袖不似一般冰袖般薄及滑，用手袖形容會較適合。另形容手套的掌心位置是皮或膠狀物料，而手背才是棉質物料。辯方同意此說法。控方指出帶上手套是協助搬運物資。被告不同意，指只是有就帶左。

早休20分鐘。

已開庭
…被告指當時見唔到建生社區會堂，而自己見到果度（sorry唔肯定被告「果度」指邊度）少人啲，所以行過去。當時有用電話留意社交媒體，睇下有冇議員出現。而自己見唔到想找的議員出現。自己去到良德街街角近街站地方已見有一定人數，所以就行到圓圈位置。喺圓圈地方逗留了3-4分鐘，睇下議員有冇更新社交媒體，目的是（sorry唔記得被告答案）。當時決定散步，順便睇下佢地喺唔喺度。而自己到達時，喺街角留左幾分鐘見唔到佢地。而自己決定左去搵區議員，所以就決左search區議員嘅社交媒體。

控方指其實不是‘不妨’，因被告已覺得空氣唔好。被告同意。控方指如搵唔到梁議員可以第二天再喺社交媒體留言。被告同意可以有其他方法，但當時冇此諗法。被告不同意留喺度係擴大集結人勢，覺得自己企埋一邊係有去嘗試唔參與件事。

被告指大約9:20pm去到良德街街角，當時有人阻住前進，推斷果啲係堵路行為。控方問被告有冇見Pizza Hut對出有人同樣穿深色衫褲喺度拆欄？被告指無見到，但有聽到類似金屬撞擊聲。被告指無見到大興行動基地果邊。被告接受見到有人喺馬路推鐵馬行為。鄭官關注當時被告一帶行人數量是多到不尋常，所以睇唔到附近情況還是怎樣，如不是肩並肩又是怎樣。被告指當時自己低頭望電話，但有時會抬頭望，抬頭望時視線會受阻。被告指不是密集，但因為人群分怖一層一層，所以睇唔到良運街馬路發生咩事。鄭官問有冇見有人水平開遮擋住，被告指有見人開遮，但其後動作見唔到，淨係見到有遮定住左喺度，即好似落雨有人擔遮咁。被告指擋住視線係前方嘅人，而自己抬高頭看就見到有人打開遮。

被告指有諗過前方司機因堵路而發生爭執，但係離開因當時仍在搜尋social media。被告亦覺得其他人行為自己控制唔到，亦唔關自己事。不同意繼續逗留是增加聲勢。被告指離開因返紅橋搵執紙皮婆婆，而不是逃避警方追截，因當時見唔到警方，亦不需逃避警方。即使見有非法行為但自己無參與其中。

被告指唔認識一同進入逸生閣的人。控方指可留原地不進入逸生閣。被告指因當時差唔多到逸生閣時，強光突然出現，是一排過，自己對眼突被照射睇唔清楚強光從邊度射來。因視線模糊淨係見到前方人的身影，所以跟住左一齊去。被告唔知其他人點解入逸生閣，而家估當時其他人都係因見到強光而入逸生閣。被告指當時由見到強光再發現自己已入逸生閣，只有數秒，沒時間諗太多。控方播放逸生閣地下大堂閉路電視片段由214200-214236。見被告於214217進入。見被告步法匆忙，被告同意。控方指被告視線不像模湖受阻，被告不同意。控方指其他人步伐不像匆忙，被告同意。控方指被告進入逸生閣是逃避趕至追捕的警員，被告不同意，指由頭至尾都無見有趕至追截嘅人。被告同意進入逸生閣後約20秒已有警員進入，但指進入前確實見唔到。控方再次指出被告進入逸生閣是逃避追捕。被告不同意。

控方想指出被告逃避警方因曾非法集結，鄭官問控方是否以被告用「逃避」表示「犯左法」？指法庭好少會咁用。控方同意，因此撤回此推斷。控方改為指被告後來補錄警戒供詞時，於現場警誡之後階段，已同警員指自己住良景邨，但根據現時證供是住另一地方，因此說被告係無對警員講真話。隨後警員問為何出現，便說「保護手足」，被告同意。控方亦指被告曾以聖經章節解釋。控方質疑警員問題簡單，為何要引用至聖經章節，指被告思路不合邏輯，答非所問。被告不同意，指當時其他人都以急忙步速進入，又見到警察，所以同理心地覺得其他人會驚，因此有此諗法。被告唔同意會稱呼其他人為手足，因眼見是街坊，而踎低時警員突然問話，因此用當時諗緊嘅野回答。控方指如覺得一齊入逸生閣的是街坊，可稱他們為街坊，被告同意。控方問被告會否是知道一齊入逸生閣的人都是逃避警方追截的人？被告不同意。（鄭官亦質疑被告現在又以街坊形容，但聽唔清被告答案🙏🏾🙇🏾）

1305午飯 1430繼續

💛感謝臨時直播員💛

1.4K viewsedited 07:17