法庭文字直播台

#沙田裁判法院第七庭
#彭亮廷裁判官
#20200701銅鑼灣 #審訊 [2/2]

下午進度

李 (19) 法律代表 #鄧灝程大律師

控罪：阻撓在正當執行職務的警務人員

案情：
在2020年7月1日在銅鑼灣時代廣場近勿地臣街，阻撓在正當執行職務的警務人員25799。

14:57 開庭

速報：表面證據不成立，被告毋須答辯，當庭釋放。

================
19:20 後補資料

裁判官先宣布結果：本席考慮雙方嘅陳辭，全盤嘅證供，裁定控方未能舉證成功，表面證供不成立，被告毋須答辯。

裁決理由：
被告被控阻撓在正當執行職務的警務人員，簡單而言在2020年7月1日約19:23時，在時代廣場近勿地臣街花槽阻撓警員25799，指PW1在控制劉小姐期間，被告伸手拉扯，嘗試從PW1手中拉走劉小姐；不爭議嘅係在銅鑼灣、波斯富街、羅素街、堅拿道東、霎東街一帶有非法集結，有堵路發生；控方案情完結之後，辯方申請毋須答辯，提出終審法院「楊美雲」一案作案例，指PW1並沒有足夠證據作合理懷疑，制服劉小姐，PW1是否正當執行職務。

PW1指見到劉小姐在花槽，但不肯定有叫囂，PW1見劉小姐轉身跑、跌倒、再起身，基於以上原因，懷疑劉小姐跟其他人非法集結，無講到劉小姐做過啲乜嘢令到佢懷疑非法集結，劉小姐出現/集結在花槽不是罪行，時代廣場不是封鎖咗，片段由19:20至19:23，見到市民可以自由出入。

劉小姐不是在時代廣場以外其他街道上非法集結，PW1無講到劉小姐在街道上，PW1無講過從通信機上，有PW2或者其他人通知，懷疑劉小姐非法集結，所以作出拘捕；曾經向控方查問，劉小姐在什麼地方非法集結，但無確實答案；控方申請播出NowTV和RTHK片段，顯示周圍有非法集結，所以劉小姐有參與，說法與PW1的口供有矛盾，NowTV和RTHK片段顯示19:15至19:20時，警方大致控制街道，清理磚頭，如果話劉小姐有非法集結，係十分牽強，從來無證據顯示跟街道上非法集結有任何關係，到底有無證據將兩件事串連、掛鉤在一齊，時代廣場有男友女，有中年人士，PW1嘅證供自身係站不住腳，與閉路電視片段有抵觸，甚至推翻PW1嘅證據。

本席在內庭睇咗好多次片段，簡略如下：
19:23:12 劉小姐與被告跑住在畫面出現
19:23:16 劉小姐與被告跑到畫面右上方
19:23:27 兩人在右上方企
19:23:38 見到劉小姐與被告從畫面右邊向左邊走
19:23:42 兩人走到左邊花槽，劉小姐跌倒
19:23:44 劉小姐被花槽卡住
19:23:46 起身向右跑，被警員擋住跌倒，再被PW1撳住

當警方衝入時代廣場，市民逃跑離開地下範圍，因為警方在勿地臣街霎東街拉起封鎖線，片段見無人在花槽聚集，無人叫囂。

PW2不可靠不可信，佢承認向被告和劉小姐射海綿彈，只係見到人群逃跑，無人用武力，無人頑強抵抗，劉小姐和被告亦無抵抗，只係逃跑，控詞指被告和劉小姐可能在其他地方掟水樽，但片段見唔到，即使有掟，不代表PW2可以在時代廣場向被告射海綿彈，PW2係具體講出射海綿彈，目的係驅散人群，但點解射向被告和劉小姐，裁定違反武力指引。

PW2話見到被告和劉小姐在羅素街非法集結，但記事冊和口供紙都無講過，佢承認在庭上先係第一次講，與PW1口供截然不同。

控方嘅證供有幾個不同基礎：
1️⃣ PW1話劉小姐在花槽非法集結
2️⃣ PW2話在羅素街見到被告
3️⃣ PW3話在勿地臣街見到被告
4️⃣ 控方播出NowTV 和 RTHK片段，指劉小姐和被告可能在波斯富街或羅素街非法集結

對PW3公道啲，佢嘅講法可能只係想帶出，佢在勿地臣街拘捕被告，1️⃣與2️⃣，1️⃣與4️⃣不能磨合，TVB片段見到畜龍浩浩蕩蕩進入時代廣場，進行驅散掃蕩，片段無講從波斯富街或者羅素街追捕，或者搜補某幾個逃跑人士。

時代廣場係公眾地方，控方指非法集結在波斯富街羅素街、堅拿道東一帶嘅馬路之上進行，咁警方在時代廣場花槽位置、商舖位置嘅行動有待檢討。

基於以上原因，法庭裁定以下事項：
(1) PW1拘捕係不合法
(2) PW1係不正當執行職務
(3) 射海綿彈係違反武力指引
(4) 警方當時當刻驅散人群…..（聽唔到😣）
(5) 控方基礎不明確不清晰
(6) 控方未能證明PW1在正當執行職務

裁定被告毋須答辯，罪名不成立！

4.4K viewsedited 07:25